लाउन्ज की
एयरपोर्ट लाउन्जकी सम्बन्धी जानकारी
लाउन्जकी (Lounge Key) विश्वव्यापी रूपमा फैलिएको एयरपोर्ट लाउन्ज सञ्जाल हो, जसले एयरपोर्ट लाउन्ज प्रवेशलाई सरल र आधुनिक ढङ्गले उपलब्ध गराउने उद्देश्य राख्दछ। सामान्यतया एयरपोर्टका लाउन्ज सुविधाहरू प्रथम श्रेणी (First Class) र व्यावसायिक श्रेणी (Business Class) का यात्रुहरूलाई निःशुल्क उपलब्ध हुने गर्दछ । अन्य यात्रुहरूले भने लाउन्ज प्रयोग गर्न उच्च प्रवेश शुल्क तिर्नुपर्ने हुन्छ । लाउन्जकीद्वारा प्रदान गरिएको यस नयाँ सेवाले कुमारी बैंकका ग्राहकहरूलाई यात्राको टिकट श्रेणीको परवाह नगरी लाउन्ज सुविधा उपयोग गर्न सक्षम बनाउँछ ।
योग्यताको मापदण्ड
- लाउन्जकी सेवाका लागि आवेदन गर्ने ग्राहकको कुमारी बैंकमा न्यूनतम रु. ५ लाख (स्थायी निक्षेप/बचत) जम्मा हुनुपर्नेछ ।
- ग्राहकले कुमारी बैंकबाट जारी गरिएको भिसा डोमेस्टिक डेबिट कार्ड / अन्तर्राष्ट्रिय क्रेडिट कार्ड / ट्राभल कार्ड (कार्ड नम्बर ४९६६४६ वा ४२०६११ बाट सुरु हुने) लिनु आवश्यक छ ।
आवेदन प्रक्रिया
- लाउन्जकी सेवा लिन ग्राहकले कुमारी बैंकका शाखामार्फत आवेदन दिनुपर्नेछ ।
- लाउन्जकी सेवाका लागि आवेदन गर्दा ग्राहकले अमेरिकी डलर ३०० जम्मा गर्नुपर्नेछ ।
- बैंकद्वारा लाउन्जकी सेवा सक्रिय भएको सम्बन्धमा ग्राहकलाई इमेलमार्फत जानकारी प्रदान गरिनेछ । भिसा कार्डमा लाउन्जकी सुविधा सक्रिय हुन अधिकतम एक हप्ता समय लाग्न सक्छ ।
- ग्राहकले डिजिटल सदस्यता (डलर कार्ड अर्थात् कार्ड नम्बर ४२०६११ बाट सुरु हुने कार्डका लागि मात्र) वा लाउन्जकीमा दर्ता गरिएको भिसा डोमेस्टिक डेबिट कार्ड प्रयोग गरी विश्वभरका लाउन्जकीसँग आबद्ध लाउन्जहरूमा प्रवेश गर्न सक्नेछन् ।
- प्रत्येक भ्रमणअनुसारको वास्तविक शुल्क ग्राहकको अमेरिकी डलर खाताबाट कट्टा गरिनेछ । यदि ग्राहक निःशुल्क भ्रमणका लागि योग्य भएमा, वास्तविक भ्रमण शुल्क बराबरको नेपाली रुपैयाँ रकम कुमारी बैंकमा रहेको ग्राहकको नेपाली रुपैयाँ खातामा फिर्ता जम्मा गरिनेछ ।
कुमारी बैंकका ग्राहकहरूका लागि निःशुल्क भ्रमणको मापदण्ड
- रु. ५ करोड वा सोभन्दा बढी निक्षेप भएका ग्राहकहरूलाई वार्षिक ५ पटक निःशुल्क एयरपोर्ट लाउन्ज भ्रमण ।
- रु. १ करोडदेखि रु. ५ करोडसम्म निक्षेप भएका ग्राहकहरूलाई वार्षिक ३ पटक निःशुल्क एयरपोर्ट लाउन्ज भ्रमण ।
- रु. २० लाखदेखि रु. १ करोडसम्म निक्षेप भएका ग्राहकहरूलाई वार्षिक २ पटक निःशुल्क एयरपोर्ट लाउन्ज भ्रमण ।
लाउन्ज सुविधाहरू
लाउन्ज सुविधाहरू एयरपोर्ट अनुसार फरक–फरक हुन सक्ने भए तापनि, साधारणतया निम्न सुविधाहरू उपलब्ध हुन्छन् :
- निःशुल्क तथा सुरक्षित वाइ–फाइ
- निःशुल्क पेय पदार्थ तथा जलपान
- शान्त र आरामदायी बस्ने व्यवस्था
- विद्युतीय उपकरण चार्ज गर्नका लागि पावर आउटलेट
- स्नान सुविधा (केही स्थानहरूमा)
- पूर्ण रूपमा सुसज्जित बार (केही स्थानहरूमा)
- बैठक कक्ष वा व्यावसायिक सुविधा (केही स्थानहरूमा)
(*निःशुल्क सुविधाहरू प्राप्त गर्न प्रत्येक व्यक्ति प्रतिभ्रमण वास्तविक शुल्क लाग्नेछ ।)
लाउन्ज प्रवेश बाहेकका अतिरिक्त फाइदाहरू
- अतिरिक्त कार्ड बोकिरहनु नपर्ने—कुमारी बैंकको कार्ड नै तपाईंको लाउन्जकी सदस्यता कार्ड हो ।
- निःशुल्क सेवा उपयोग गर्न कार्डधारकले लाउन्जमा छुट्टै भुक्तानी गर्नुपर्ने हुँदैन ।
लाउन्जकी स्थानहरू
ग्राहकले लाउन्जकी एप वा वेबसाइट प्रयोग गरी एयरपोर्ट लाउन्जहरूको स्थान तथा उपलब्ध सेवाबारे जानकारी लिन सक्नेछन् । लाउन्ज सेवासम्बन्धी विस्तृत विवरणका लागि तलको लिङ्क भ्रमण गर्न सक्नुहुनेछ : https://www.loungekey.com/en/kumaribank
थप जानकारीका लागि कुमारी बैंक कल सेन्टरमा सम्पर्क गर्नुहोस्: ०१–५९७०४९९
लाउन्जकी सहायता सेवा
लाउन्जकी सेवा टोलीमा अनुभवी तथा बहुभाषिक प्रतिनिधिहरू २४ घण्टा, सातै दिन, वर्षभर उपलब्ध हुन्छन् । तल उल्लेखित सम्पर्क नम्बरहरूमा सम्पर्क गर्न सक्नुहुनेछ :
युनाइटेड किङडम (लण्डन):
+44 (0) 208 865 0767
अंग्रेजी सेवा: २४ घण्टा
संयुक्त राज्य अमेरिका (डलास):
+1 469 334 4174
हङकङ:
+852 3071 5062